Naghatag sang mensahe si President Ferdinand Marcos Jr. sa mga kabataan, estudyante, kag mga ginikanan matapos ang asod-asod nga trahedya nga natabo sa pila ka mga eskwelahan sa pungsod.
Nagpanawagan ang Presidente sang collective effort agud nga maproteksyunan ang mga kabataan batok sa kalakasan, negligence, kag iban pa.
Suno diri, ang buluthuan ang dapat nga mangin lugar sang pagtuon, paglab-ot sang mga handom kag pag-improve kag indi dapat mangin lugar nga nagahatag sang kabalaka sa mga ginikanan para sa safety sang ila mga kabataan.
Ginmanduan sang Presidente ang mga ahensya nga ginalakipan sang edukasyon, kapulisan, health kag local government unit nga mas labi pa nga pasanyugon ang mga tikang para sa safety sang mga estudyane sa bug-os nga pungsod.
Samtang, gin-engganyo man sang chief executive ang mga ginikanan nga maghatag sang oras, atensyon kag paghangop sa ila nga mga kabataan bangud diri nagaumpisa ang matuod nga proteksyon.
