Ginahitso na sang Sangguniang Panlungsod sang ciudad sang Bacolod ang paghimo sang isa ka ordinansa para maregulate ang pagbyahe sang e-bike units sa ciudad.
Suno kay councilor Atty Dindo Ramos, chairperson sang Committee on Transportation and Traffic, ang regulation sang operation sang mga tricycle yara sa idalom sang ciudad apang sa trisikad kag e-bikes naman, yara ini sa barangay.
Suno diri, magapropose ini sang ordinansa nga pagset sang guidelines para makahimo sang ordinansa ang mga barangay para mahatagan sang oportunidad ang mga nagabyahe sang trisikad kag e-bike para sa legal nga pagpangabuhi.
Suno kay Ramos, sa karun indi regulated ang operation sang e-bikes amo nga wala sang natalana nga numero kun pila lang ang makabyahe sa kada ruta.
Dugang pa sini, dapat may yara sang natalana nga ruta para sa e-bikes agud malikawan ang indi pag-intindihanay sa dalan sa tunga sang mga drivers sang e-bikes kag tricycle.
