Maga-abanse na sa round of 16 ang Canada matapos ginlutos ang South Africa sa final score nga 1-0 sa Round of 32 sang FIFA World Cup 2026 paagi sa nagaisahanon nga goal ni Stephen Eustáquio sa stoppage time sa gwa sang penalty area.
Bangud sa resulta, eliminated na ang South Africa sa World Cup.
Nangin supisyente na ang isa ka goal ni Eustáquio sa ika-90+2 minutes, agud maselyohan ang kadalag-an sang Canada.
Apisar nanguna ang South Africa sa ball possession nga may 58 percent kumpara sa 42 percent sang Canada, mas nangin epektibo ang opensiba sang Canada.
Sa bug-os nga hampang, nakarecord sang napulo ka foul ang South Africa apang wala naman sang yellow ukon red card, samtang 15 naman ka foul sa Canada kag duha ka yellow card.
Bantayan ang masunod nga match sa Round of 32 sa bwas nga adlaw; Brazil vs. Japan, ala-1:00 sang kaagahon; Germany batok sa Paraguay, alas-4:30 sang kaagahon; Netherlands kontra Morocco, alas-9:00 sang aga (oras sa Pilipinas).
