Indi magnubo sa apat ka mga barko sang China ang nasiplatan nga nagasunod sa pinakaulihi nga Maritime Cooperative Activity (MCA) sa tunga sang Pilipinas kag Estados Unidos sa West Philippine Sea, partikular sa palibot sang Bajo de Masinloc.
Ini ang labing una nga MCA sa lugar humalin sang ginkakas ang Chinese floating structure sa sulod sang reef nga nangin kontrobersyal sadto bangud sa ginaalegar ilegal nga presensya sini.
Suno sa report sang Armed Forces of the Philippines (AFP), ginalakipan sang mga barko sang China ang duha ka Jiangkai-class frigates, isa ka Jiangdao-class corvette, kag isa ka auxiliary tanker.
Dugang pa, isa ka eroplano sang Chinese maritime patrol ang nagalupad sa ibabaw sang lugar samtang ginahimo ang mga drills.
Sa pihak sang presensya sang mga barko sang China, madinalag-on nga napatuman sang pwersa sang AFP kag Estados Unidos ang mga natalana nga aktibidad pareho sang search-and-rescue operations, visit-board-search-and-seizure drills, kag division tactics.
