Ginkalipay sang isa ka amay ang ginaduso nga hagna nga 105 days Paternity Leave.
Sa interview sang Bombo Radyo Bacolod kay Police Major Elmer Bonilla, Chief sang Traffic Enforcement Unit sang Bacolod City Police Office, ang ginaduso nga hagna ang pabor sa mga amay nga makaupod ang ila bag-ong bun-ag nga anak apang indi man ini maenjoy sang tanan.
Suno kay Bonilla, parehas lamang sa mga kapulisan kag iban pa nga men in uniform nga automatic ginatapos ang leave sa tion sa emergencies.
Suno pa diri, isa man sa ginalantaw diri ang bayad sa leave kun ini bala ang nasanto man sa gina-income sang amay sa sulod sang tatlo ka bulan kun ini ang nagatrabaho.
Suno diri, may yara sang madamo nga pamangkot angot sa ginaduso nga hagna apang nagapati ini nga pagatun-an sang maayo sang mamalidha antes ini ipasar bilang layi.
