Natingala gid ang isa ka construction worker matapos ini ang makakutkot sang ginapatihan unto sang isa ka megalodon nga bagis sa isa ka poso negro sa Alaminos, Pangasinan.
Suno kay Angelo Gines, nagapati ini una nga isa lamang ka bato ang iya nakit-an apang sa iya nga paghimutad, iya natalupangdan nga pinasahi ang hulma kag daw may patalom nga bahin nga kaangay sang lagari gani liwat niya ini nga pulot.
Ang nahukay nga “unto” ang may kalabaon nga lima ka pulgada, may kabug-aton nga kapin 150 grams kag nagapa-triangle ang korti sini.
Matapos sini ginpakita sa iya nga tiyo, nagresearch sila online kag ila nanotisyar nga daw kaanggid ini sa mga litrato sang unto sang Megalodon.
Santo sa Bureau of Fisheries and Aquatic Resources ukon BFAR, ang unto sang Megalodon ang mahimo magdangat sa halos 18.7 sentimetro, mas dako kumpara sa unto sang Great White Shark.
Nagalaum subong si Angelo nga mausisa sang mga eksperto ang iya nadiskubrehan agud makumpirmar kun isa ini ka matuod-tuod nga fossil sang Megalodon, kaangay sang nauna na nga natukiban sa Bohol sadtong 2020.
