Padayon ang hugot nga pagbantay sa mga estudyante nga nagasulod sa Negros Occidental High School.
Sa interview sang Bombo Radyo Bacolod kay Dr. Cheryl Tondo, Principal IV sang NOHS, ginakalipay sini nga sa sulod sang tatlo ka semana humalin sang ginbutang ang metal detector sa entrance sang buluthuan, wala sang may narecover nga makabig nga deadly weapon sa mga kabataan.
Suno diri, nagapasalamat man ang mga ginikanan nga hugot ang pagbantay sa entrance bangod ila man ginakahangawa ang safety sang ila kabataan.
Suno kay Tondo, sa karun may gindugang pagid sila nga handheld metal detector para mapadasig ang pagsulod sang mga estudyante kag indi maglawig ang pila sa entrance.
Samtang, nagpasalig man ini nga wala sang bata nga mahimo makataklas sa pader sang buluthuan para makagwa kag maka-eskapo sa klase.
Pahayag ni Tondo, ginkamusta ni governor Eugenio Jose ‘Bong’ Lacson ang NOHS kag nagpasalamat ini sa gindonar sang probinsya sang walk-through metal detector.
