Ginpahayag sang Judicial Vicar sang Roman Catholic Diocese of Bacolod nga kulang ang pag-ban sa mga violent online games kag dapat maumpisa sa pamilya ang pagtutok sa kabataan.
Sa interview sang Bombo Radyo kay Rev. Fr. Dominic Derramas may yara sang mga kabataan nga may broken family kun sa diin dapat matudloan sila nga importante ang ila kabuhi.
Suno diri, kun kaisa indi solusyon ang legislation kag dapat may yara sang holistic approach nga ihatag sa bata.
Suno kay Derramas, mahimo makonsiderar ang pagban sang online games ukon tun-an kun bala mapanubo ang edad sang bata nga mahambal may yara sang criminal liability, apang ang dapat himoon amo ang pagtsekyar sa mga kabataan nga indi mapalayo ang ila boot sa ginikanan.
Pahayag sini, ang nagakatabo sa karun magaserbe na nga pamukaw sa tanan nga dapat maghulag na ang gobyerno kag ang mga ginikanan bangod madamo sang kabataan sa palibot.
