Gin-updan sang mga katapo sang Iglesia Ni Cristo ang pagprotesta nga ginpatigayon sa EDSA People Power Monument agud ipanawagan ang transparency sa imbestigasyon sa kurapsyon.
Suno kay INC Spokesperson Bro. Edwil Zabala, wala nagapamatok ang INC sa pagpatuman sa layi, apang sila ang tutol sa pagbali sang layi sa tinutuyo nga matabunan ang nagakatabo nga kurapsyon.
Pahanumdom sini nga si Senator Rodante Marcoleta amo ang nagpanguna sa pag-imbestigar sa makabig pinakadako nga kurapsyon sang ini ang magpungko bilang chairperson sa Senate Blue Ribbon Committee.
Apisar nga ginbuslan na sa pwesto, ang Senador ang wala gihapon nag-untat sa pagpangita sang hustisya.
Gani ginakatingala sang INC kun ngaa ang nagaduso agud matumod ang mga imbulbado sa pinakadako nga kurapsyon amo ang tuyo nga prisuhon sa kaso nga plunder.
Kwestyon man ni Zabala kun paano matawag nga plunder ang pagbatun sang Senador sang campaign donations kun ang kwarta ang indi man gikan sa gobyerno.
Samtang ginpamatud-an naman sang Commission on Elections nga wala sang krimen sa pagbatun sang donasyon sa kampanya.
Suportado sang INC ang mga lihok ni Senator Marcoleta bangod ang simbahan ang nagapanawagan man sang transparency, accountability, justice, and peace.
Panindugan sang INC nga bisan mapriso pa si Senator Marcoleta, indi ang mga ini mag-untat sa pagpanawagan sang hustisya para sa mga Pilipino nga ginkawatan.
Pahanumdom ni Zabala nga ‘injustice’ ang ‘selective justice.’
credits: INC News and Updates
