Ginakonsiderar ni Bacolod City Mayor Greg Gasataya ang pagregulate sa mga e-bike nga nagabyahe sa ciudad.
Suno sa alkalde, may yara na sang proposal para i-ammend ang naga-exist na nga ordinansa apang may proposal man nga maghimo na lang sang bag-o nga ordinansa.
Suno diri, dapat pa pagatun-an kun diin makuha sang prangkisa para sa e-bike units kag kun sin-o ang allowed nga magkuha sang prangkisa.
Ini bangod may mga e-bike nga may capacity nga kaangay sa tricycle kag may yara man sang e-bike nga kaangay daw trisikad.
Ang prangkisa para sa tricycle ginakuha sa Sangguniang Panlungsod samtang ang sa trisikad naman ginakuha sa mga Barangay.
Pahayag ni Gasataya, indi makahatag sang prangkisa ang mga barangay bangod wala sila sang sundan nga ordinansa sa pagregulate sang ila byahe.
Nagpasalig ini nga na-intindihan niya ang pangabuhi sang pumuluyo sang ciudad apang gina-intindi man sini nga kun wala sang ordinansa ukon prangkisa ang mga e-bike nga nagabyahe, unfair man ini sa mga nagabyahe nga may yara sang franchise.
