Nagapanawagan ang Punong Barangay sang Barangay Vista Alegre, Bacolod City sa mga residente nga magkooperar kag magsunod sa traffic rules agud nga malikawan ang pagluntad sang aksidente bangud sa ginakay-o nga dalan.
Sa interview sang Bombo Radyo Bacolod kay Punong Barangay Lindy De Leon, nabasa na sini ang mga concern sang mga pumuluyo nga gin-post sa social media.
Suno kay De Leon, ginakay-o ang dalan gani naga-traffic agud nga mahagan-hagan ini nagpangayo sila sang pahanugot sa tag-iya sang duta nga magamit sila sang pribado nga dalan.
Ang nasambit nga dalan ang rough road rason nga madanlog kun agyan.
Kahapon, ginkay-o na ang dalan paagi sa pagbutang sang balas kag gin-grader.
Suno sa Punong Barangay ang proyekto ang ginpatuman sang Department of Public Works and High Ways kag ini ang sa idalom sang Department of Trade and Industry.
Ang dalan ang dapat nagid man kay-uhon bangud gintukod ini sang 1983 kag madamo na sang litik.
Ini ang nagalaba sang 402 meters.
Suno kay De Leon, ang budget ang gin-release sang DBM, ginbidding kag may yara sang naaprubahan nga contractor.
Ginpatuman ang proyekto sa bulan na sang Hunyo kun sa diin naga-umpisa na ang pag-inulan.
Suno sa Punong Barangay wala man ini sang mahimo bangud may yara sang ginasunod nga proseso.
Bangud sini nagapanawagan ini sang kooperasyon sang mga pumuluyo kag magsunod lamang sa traffic rules agud nga malikawan ang aksidente.
Ang proyekto ang gin-umpisahan sang June 17 kag matapos sa December 14, 2026 nga may budget nga P22,230,662.64 samtang ang contractor sini ang M.K.U Construction and Supply.
