Gin-anunsyar sang Department of Labor and Employment (DOLE) nga makabaton sang P85 daily increase ang masobra 1.1 million minimum wage earners sa Metro Manila nga ipatuman sa Enero, 2027.
Suno kay Labor Secretary Francis Tolentino, ang first tranche nga P60 wage increase ang ipatuman sa Hulyo 19, 2026 samtang ang nabilin nga P25 ang maga-epekto sa Enero 20, 2027.
Bangud sini, ang daily wage sang non-agricultural workers ang magasaka gikan sa P695 tubtob P780 samtang ang mga agricultural workers ang magasaka gikan sa P685 tubtob P743 per day.
Suno kay Tolentino, nagapadayon ang mga konsultasyon para sa posible nga wage increase sa iban pa nga rehiyon, kalakip na ang Central Luzon kag Central Visayas.
Samtang, ginpahayag sang labor group nga Kilusang Mayo Uno (KMU) nga kulang ang P85 nga wage increase sa mataas nga gastos sa Metro Manila.
Dugang pa sang grupo nga limitado lamang ini sa NCR samtang minilyon-milyon nga mga mamumugon sa bug-os nga pungsod ang padayon nga nagaka-apektuhan sang krisis nga wala sa gihapon nahatagan sang pagtamod sang gobyerno.
Sa pihak sini, ginpahayag sang KMU nga ipadayon nila ang ila nga panawagan para sa P1,200 nationwide daily wage.
