Ginbuyagyag sang beauty queen-actress nga si Herlene Budol nga gina-alegar nakabaton siya sang indecent proposal nga nagabalor sang P150,000 nagikan sa isa ka provincial governor.
Sa Facebook post sang actress, ginpakigbahin ni Herlene ang screenshot sa ila nga conversation.
Santo sa mensahe, nagpamangkot ang sender kun magpasugot ang actress makig-one night stand sa baylo sang P150,000.
Nagpabalimad si Herlene sa offer sini kag ginpahayag nga sa baylo nga igasto ang kwarta sa kaangay nga butang, mas maayu nga gamiton ini agud makabulig sa mga pumuluyo sa probinsya nga iya ginpamunuan.
Nangin caption sang actress sa iya post nga “Women are not for sale!.”
Wala naman ginpangalanan sang actress ang nasambit nga gobernador.
Samtang, madamo sang mga netizens ang nagpahayag ang suporta kay Herlene kag gindayaw siya sa iya paghambal batok sa indi husto nga pamatasan.
Sa karun, wala pa sang ginpaggwa nga pahayag sa publiko ang bisan sin-o nga gobernador ukon opisyal sang gobyerno angot sa alegasyon.
