Naserbe na ang ikaduha nga Notice of Violation sa AMA Computer College kaupod ang Bacolod City Legal Office kag Business Permits and Licensing Office kahapon sang aga.
Madumduman nga naserbe na eskwelahan sang tinalikdan ang una nga Notice of Violation bangud natukiban sang Bacolod City Government nga wala ang mga ini nakatapos sa pagproseso sang Business Permit agud nga maka-operate.
Sa ikaduha nga Notice of Violation ang eskwelahan ang ginapanugyanan nga kinahanglan sang mga ini nga untaton ang business operation ukon magpatigayon sang voluntary closure bangud wala pa natapos ang pagproseso sang pag-renew sang ila nga business permit.
Ginhatagan ang eskwelahan sang 15 ka adlaw agud nga makumpleto kag ma-comply ang mga requirements sang ila business permit renewal.
Sa tion nga indi ma-comply sang nasambit nga buluthuan ang mga requirements kag ma-renew ang business permit kinahanglan sang mga ini nga untaton ang ila nga operasyon.
Ang kulang sa requirements sang eskwelahan para sa renewal ang documents nagikan sa Bacolod City Health Office kag Bacolod Environment and National Resources Office (BENRO).
Suno kay Bacolod City Secretary to the Mayor Atty. Marty Go, dapat sundon sang eskwelahan ang nakasaan sa ikaduha nga Notice of Violation bangud sa una nga Notice of Violation wala gid sang may nakig-angot sa alkalde para sa compliance apang sa ikaduha hulaton nga matapos ang 15 dias kag mahibaluan kun ma-comply ang mga ini ukon pasirad-an.
