Agresibo nga ido nga may apat na nga nakagat sa Talisay City, padayun nga ginapangita

Padayon pa nga ginapangita ang ido nga nagkagat sa apat ka persona sa Brgy San Fernando, Talisay City.

Sa nakuha nga impormasyon sang Bombo News Team, nakita sang isa ka lalaki nga ginkagat sang ido ang iya kanding tubtob nga napatay ini kag sang nagtuyo siya nga tabugon ang ido, hinali lang siya nga ginlumpatan sang ido kag ginkagat sa baba.

Sunod nga adlaw, may duha pa gid ka persona nga ginkagat ang ido nga nasundan pa gid sang isa.

Tubtob sa karun wala pa nahibaloan kun diin ang ido kag kun may nagapanag-iya diri.