Pormal na nga nagtakop kahapon ang tatlo ka adlaw nga protesta sang Iglesia Ni Cristo (INC) suno sa gin-anunsyo sang ila spokesperson.
Sa isa ka video message, nagpasalamat si Edwil Zabala sa nagtambong sa tatlo ka adlaw nga pagtililipon, kasubong man sa mga personalidad nga nagpabutyag sang pagsuporta kag sa mga pulis nga naghatag sang seguridad sa nasambit nga rally.
Suno kay Zabala, sila ang nagapati nga maathag nila nga napalab-ot ang ila mensahe sa mga opisyal sang gobyerno.
Sa ikatatlo nga adlaw, sila ang nagsaylo sa Liwasang Bonifacio sa Maynila matapos ginbawi sang lokal nga panguluhan sang Quezon City ang permit para makapatigayon sang rally sa nasambit nga monumento.
Suno naman kay Manila Police District spokesperson PMaj. Philipp Ines, nagdangat sa kapin 82,000 ka mga raliyista ang nagtambong sa ulihi nga adlaw sang rally.
Madumduman nga nagpatigayon sang surprise rally ang INC bilang pagsuporta kay Sen. Rodante Marcoleta.
