Ginpatawag sang Senate Impeachment Court si Vice President Sara Duterte agud magtambong sa pag-umpisa sang trial batok sa iya sa Lunes, Hulyo 6.
Mahimo man magarepresentar ang iya legal team kun wala ang bise presidente.
Sa imbitasyon nga ginpadala sang korte sa bise presidente kahapon (Hulyo 3), sila ang ginaagda nga magtambong sa una nga adlaw nga natalana nga magabukas alas-2:00 sang hapon.
Ini ang ipatigayunon sa Session Hall sang Senado sa Pasay City.
Ginapangabay man ang bise presidente nga magsunod sa tanan nga pagsulondan, direktiba, kag sa mangin desisyon sang Senado, santo sa pagtuman sang Konstitusyon.
Nagpasalig naman ang legal team ni Duterte nga handa sila mag-atubang sa korte, apang sa karon wala pa sang kumpirmasyon kun personal nga magatambong si VP Sara sa nasambit nga adlaw.
