Indi magnubo sa walo ka indibidwal ang ginbawian sang kabuhi kalakip ang mga kababainhan kag kabataan samtang pila man ang pilason sa isa ka refugee camp sa Bangladesh, matapos magtuga sang pila ka landslide ang mabaskog nga ulan dala sang Southwest Monsoon ukon Hangin Habagat.
Santo sa mga otoridad, nagluntad ang landslide sa apat ka mga separado nga lugar samtang nagakatulog ang mga residente.
Isa ka Bangladeshi man ang nautas ang kabuhi kag duha ang nasamaran matapos matabunan sang natiphag nga bahin sang burol ang ila puluy-an.
Kapin 1.2 milyon ka Rohingyan ang naga-istar sa magutok nga refugee camps Cox’s Bazar matapos magpalagyo sa mga militar sa Myanmar sang 2017.
Kadam-an sa ila ang nagatinir sa temporaryo nga balay ngahuamn sa kawayan kag trapal nga gintukod sa kilid sang bungyod nga prone sa landslide kun tig-ululan.
Ginbakwit na sang mga otoridad ang kapin 1,000 ka mga refugee sa mas luwas nga lugar samtang natalana man nga ibakwit ang iban pa.
