Naghagan-hagan ang pagsaka sang presyo sang mga balaklon sa pungsod sang Hunyo, apang mataas gihapon ang inflation gani padayon ini nga ginamonitor sang Bangko Sentral ng Pilipinas (BSP).
Sang Hunyo, nagpanaug sa 6.4 percent ang inflation humalin sa 6.8 percent sang Mayo.
Santo sa BSP, may duha ka rason kun ngaa nagnubo ini: una, mas hinay ang pagsaka sang presyo sa transportasyon bangud sa paghagan-hagan man sang tensyon sa Middle East.
Ikaduha, naghinay man ang pagsaka sang presyo sang pagkaon, partikular na ang bugas, karne kag isda.
Apang, suno sa BSP, ang pagnubo sang inflation rate ang wala nagakahulugan nga nagpanaug ang presyo sang mga balaklon.
Apisar nagnubo ang inflation ang ginakabalak-an sa gihapon sang BSP bangud ini ang mas mataas sangsa target nga 2 percent tubtob 4 percent rate.
