Ginkwestyon ni former Chief Presidential Legal Counsel Salvador Panelo ang pagpresentar sang testigo nga si NBI Senior Agent John Mark Calilung sa impeachment trial batok kay Vice President Sara Duterte.
Sa interview sang Bombo Radyo kay Panelo, ginpahayag sini nga nag-usik lang sang oras ang presentasyon sang testigo nga ginpahayag nga kaangay nga “propaganda proceedings” ang natabo agud gub-on lang ang Bise Presidente.
Dugang pa, daw ginhimo nga stage para mangampanya agud pangitaan sang sala si VP Sara ang sulod sang impeach court.
Suno diri, indi na nagakinahanglan nga ipresentar ang testigo bangud gin-ako man sang depensa nga ang ginpanghambal ni VP sara nga ginpakita sa video evidence ang iya ginhambal.
Apang paathag ni Panelo nga dapat usiaon man kun ngaa nahambal ini sang Bise Presidente.
Suno kay Panelo, kun lantawon ang bilog nga video ni VP Sara , nahambal lamang niya ini bangud ang iya kabuhi ang ara sa peligro.
Pahayag sini, nagapakita nga ang pahayag ni VP Sara ang nagapangayo sang bulig sa mga Pilipino bangud maya ara sang pagpamahog sa iya seguridad.
