Nangin madinalag-on ang una nga State of the District Address (SODA) ni House Deputy Speaker kag Bacolod City Lone District Representative Alfredo Abelardo Benitez nga ginpatigayon sa isa ka mall sa Bacolod City, kahapon.
Ang SODA ang gintambungan sang pila ka mga dalagko nga opisyales nga ginalakipan nanday Negros Occidental Governor Eugenio Jose “Bong” Lacson, ang utod sang kongresista nga si TESDA Secretary kag Director General for 2026 is Jose Francisco “Kiko” Benitez kag pila ka mga kongresista sa probinsya sang Negros Occidental.
Nagtambong man sanday Bacolod City Mayor Greg Gasataya kag mga Sangguniang Panlungsod members kasubong man ang mga Punong Barangays kag Barangay Kagawad sa ciudad.
Yara man ang mga regional directors sang Police, Education, DILG kag pila ka mga ahensya.
Sa SODA ginplastar ni Benitez ang comprehensive development agenda nga naka-focus sa lima nga ginlakipan sang smart resilient competitive healthy kag sustainable.
Diri ginpresentar ni Congressman Benitez ang digitalization paagi sa pagtanyag sang mga teknolohiya nga mapahapos ang pagproseso sang mga pumuluyo sang kinahanglanon nga dokyumento.
Ginplastar man sa SODA ang pagsolbar sang baha, pagdihon sang rekomendasyon sa flood control kag pagpalig-on sang safety sang mga pumuluyo.
Ginaduso man ang pagpanami sang mga fire stations kag pagpatindog sang fire substations sa ciudad.
Ginplastar man ang paghatag sang fuel subsidies kag ginaduso man ang paggamit sang electric vehicles kun sa diin plano ang pagbutang one stop shop charging station sa Bacolod City.
Isa man sa ginplastar ang Competitive Infrastructure Connectivity kag plano ang pagbutang sang flyovers sa Bangga Cory kag sa Lopuez East.
Samtang umpisahan naman sa madason nga bulan ang P418 million nga expansion sang Bacolod-Silay Airport passenger terminal kag padayon nga pag-propose sang P380 million nga runway expansion.
Nagdihon man si Benitez sang Universal Health Care bill para sa zero billing kun sa diin ang Department of Health na kag PhilHealth ang magasalo sang balayran sang mga pumuluyo.
Nalakip man sa plano sang kongresista ang pagpatukod sang 125 classrooms sa ciudad kag pagpasaka sa 10,000 ka mga scholarship beneficiaries sini.
){kind=link}