Ginaengganyo sang presidente sang United Federation of Sugar Producers, Inc. (Unifed) ang mga local government officials nga magdihon sang ila kaugalingon nga mga laboratoryo nga makahimo sang organismo nga may kapasidad sa pagpapas sang Red-Striped Soft Scale Insect ukon RSSI.
Suno kay Manuel Lamata, may yara sang dako nga problema nga ginapangatubang ang sugar industry kag ini ang infestation sang RSSI.
Suno kay Lamata, ang peste ang halin sa Egypt nga gintransport sa Tarlac tubtob nga nakalab-ot na sa Negros kag nakalab-ot naman sa Bukidnon.
Suno diri, gina-emphasize nila ang nasambit nga problema bangud magaumpisa na ang milling sa Oktubre kag luyag sang mga sugar farmers nga masalbar ang palaabuton nga patubas.
Ginpahayag man sini nga ang problema sang RSSI ang indi masolbar sa isa lang ka agi kundi nagakinahanglan ini sang long-term solusyon.
Suno diri malawig ang nasambit nga problema kag kinahanglan nga magbutang sang safe guards.
Dugang pa sini kinahanlang nga mag-propagate sang larvae nga mangin natural predator para mapapas ang RSSI.
Suno kay Lamata, dapat ang kada LGU ang magahimo sang laboratory para sa propagation sang larvae bangud kinahanglan nga ang kada district, LGU ukon banwa ang maga-atake sa RSSI agud nga masolusyunan ang dako nga ginapangatubang nga problema sang sugar industry.
Suno diri kun luyag sang tagsa ka LGU nga maproteksyunan ang mga sugar farmers kinahanglan sang mga ini nga maghulag bangud wala na sila sang masaligan nga iban.
Ang SRA ang magahatag sang template kag scientist para sa pagpropagate sang larvae sang insekto nga makabato sa RSSI.
