Ginalantaw sang Barangay Kagawad sa Brgy 3, Bacolod City nga ginbuno-patay sang tatay sang suldado nga nag-utas sang kabuhi ang asawa sang iya bata sa Purok Tilapia, Barangay 3, Bacolod City, kahapon sang hapon, bangod away mag-asawa ang nakita sini nga rasun sa pagpanginmatay sang iya bata.
Sa interview sang Bombo Radyo Bacolod kay Barangay Kagawad Christopher Mendoza, may nagreport sa iya nga ang biktima nga si Erwin “Nonoy” Pendon ang gin-utas ang kaugalingon nga kabuhi.
Suno kay Mendoza, gilayon man ini nga nagwa kag wala siya nakaderecho sa balay sang biktima bangud nakita sini si Edwin Pendon amay sang suldado nga ginabitbit man nga pusil nga sa iya pagbanta caliber .45.
Nagtawag ini sang police kag sang may nagresponde amo pa lang ang iya nga pagkadto sa balay sang biktima.
Ginbululigan man sang mga ini nga mapagwa si Erwin kag madala sa ospital kun sa diin ini gindeklarar nga dead on arrival.
Suno sa Barangay Kagawad, ginpahibalo man siya nga may isa pa ka bululigan kag didto sini nahibaluan nga si Leonora Pendon, asawa sang suldado ang may yara man sang pilas tuga sang pagpamuno sang amay sang suldado.
Ini bangud mahimo nga nakita sang amay nga gin-utas sang suldado ang kaugalingon nga kabuhi kag ang rason amo ang pag-inaway sang mag-asawa.
Ginpahayag man ni Mendoza nga may nakakita man sa pagpamuno sang ugangan sa tiayon sang suldado bangud yara man didto ang utod sini sang natabo ang krimen.
Sa karun nadakpan naman sang mga kapulisan si Edwin Pendon kag nakahunong na sa Bacolod Police Station 2.
Ang mag-asawa ang may bata nga grade 7 student pa lamang.
