Nagalaum si Senate Impeachment Court Presiding Officer Francis Escudero nga mangin maathag ang mangin desisyon sang Korte Suprema natuhoy sa kun pila ang boto nga kinahanglan para mapamatud-an nga guilty ang isa ka opisyal sa impeachment trial.
Suno kay Escudero, ang sa subong nga ginapatuman sa pagsulondan amo ang nagakinahanglan sang indi magnubo sa 16 ka mga boto naggikan sa 24 ka mga senador agud mapamatbatan ang isa ka respondent sa impeachment trial.
Ginklaro sang Senador nga apisar 21 na lamang ang nabilin nga aktibo nga senador, bangud naaresto na sanday Sen. Jinggoy Estrada kag Sen. Rodante Marcoleta samtang nagapanago gihapon si Sen. Ronald Bato dela Rosa, ang basehan gihapon sang two-thirds nga boto amo ang ginabug-usan sang 24 ka pwesto sa Senado.
