Ginhingyo ni National Bureau of Investigation (NBI) Director Melvin Matibag, sa House prosecution panel nga ma-schedule sang mas timprano ang iya pagtestigo sa impeachment trial ni Vice President Sara Duterte agud indi ma-delay ang trial.
Sa sulat nga iya ginpadala kay lead prosecutor kag Batangas Rep. Gerville Luistro, ginpahayag ni Matibag nga natalana ini nga magtambong sa isa ka summit sang mga law enforcement leaders sa Thailand sa Hulyo 21 kag 22, gani naghingyo ini nga mag-atubang sa Senado antes ang Hulyo 20 agud indi maapektuhan ang dalagan sang impeachment proceedings.
Ginalauman nga magahatag si Matibag sang testimoniya angot sa imbestigasyon sang NBI sa ginaalegar pagpamahog ni Duterte batok kanday President Ferdinand “Bongbong” Marcos Jr., First Lady Liza Araneta-Marcos, kag anay House Speaker Martin Romualdez.
