Ginlaslas sang Tropical Storm Bavi ang nasidlangan nga bahin sang China matapos ini mag-landfall sa Zhejiang Province, nga nagtuga sang mabaskog nga hangin kag madamol nga pag-ulan.
Apisar, naghuyang na sa typhoon category, nagpabilin ini nga pinakabaskog nga bagyo nga nag-igo subong sa China.
Bilang pag-andam, halos duha ka milyon nga residente ang ginbakwit sang mga otoridad.
Sa ciudad naman sang Yueqing, kapin 1,300 ka mga puno ang natumba samtang ginabaha na ang pila ka mga lugar.
Dako man ang nangin epekto sang Bavi sa transportasyon.
Ginsuspender ang operasyon sang duha ka mayor nga estasyon sang tren sa Hangzhou, samtang ginatos naman ka mga biyahe sang eroplano kag masobra 1,600 ka byahe sang tren ang nakanselar sa Shanghai.
Santo sa National Meteorological Center sang China, ginalauman nga magdala pa sang mabaskog nga pag-ulan ang Tropical Storm Bavi sa nasidlangan kag naaminhan nga bahin sang pungsod sa mga masunod nga inadlaw.
