Aminado ang National Bureau of Investigation (NBI) nga may typographical errors sa subpoena kag affidavit of investigation nga gin-issue may kaangtanan sa ila pag-imbestigar sa ginaalegar pagpamahog ni Vice President Sara Duterte batok kay President Ferdinand “Bongbong” Marcos Jr.Ginpahayag ni Atty. Jeremy Lotoc, regional director sang NBI Bangsamoro Autonomous Region in Muslim Mindanao (BARMM), lunsay nagsala ang date sa duha ka mga dokumento nga may petsa nga Nobyembre 6, 2024.
Gin-athag niya nga ang affidavit of investigation ang dapat kuntani ang petsa amo ang Disyembre 11, 2024.
Ginkwestyon naman ni Senator-judge Imee Marcos ang timeline sang imbestigasyon sang NBI.
Kasunod sini, ginpunto sang defense team ni Vice President Sara nga indi lamang ini typographical error apang makabig na bilang substantive issue.
Si Lotoc ang ikaduha nga witness nga ginpresentar sang House prosecution panel agud magtestigo sa Article IV sang Articles of Impeachment ni VP Sara angot sa ginapahayag grave threats kag assassination plot batok kay Marcos, First Lady Liza Araneta-Marcos, kag former House Speaker Martin Romualdez.
