Nagbayluhanay sang argumento sanday House Lead prosecutor Gerville Luistro kag counsel for the respondent Atty. Sheila Sison sa pamaagi sang pag-manifest sang withdrawal sang mga testigo nga magaatubang sa impeachment trial.
Matapos ginpaathag ni Luistro ang desisyon sang ila team nga indi na pag-ipresentar ang ila iban nga mga testigo para sa Article IV (Threat) sang impeachment case batok kay Vice President Sara Duterte, ginduso ni Sison nga simplehon lang ang pag-anunsyo sang prosecution kun sanday sin-o nga mga testigo ang ila iga-withdraw kag indi na magdugang sang matuod nga mga conclusion ukon legal interpretation.
Suno kay Sison, nga sa amo nga pamaagi, mangin mas matawhay kag mas madasig ang dalagan sang proceeding kag masiguro man ang fairness diri.
Gilayon naman nga nagsabat si Luistro nga ang paghatag sang rason para sa withdrawal sang natumod nga mga testigo importante sa mga nagalantaw nga mga Pilipino bangud isa ini ka constitutional process nga naangut man sa interes sang publiko.
Ginpunto man ni Luistro nga nangin patas man si presiding officer Chiz Escudero sa paghatag sang patas nga kahigayunan sa prosekusyon kag sa depensa nga magpresentar sang maayo sang ila malawig nga mga diskurso.
Sabat naman ni Sison, nga wala nagapangayo ang ila team sa korte sang ano man nga advantage kundi fairness lamang.
Wala na mahatagan sang tion si Luistro nga makasabat pa kay Sison bangud na-avail na sini ang iya katapusan nga manifestation santu sa mando ni Presiding Officer Escudero.
Samtang.. maga-issue ang Senate Impeachment Court sang subpoena sa pila ka indibidwal agud nga mag-appear sa impeachment trial ni Vice Pres. Sara Duterte sa July 21-22.
Para ini sa Impeachment Article I ukon confidential funds.
Igapatawag sang korte ang mga masunod: Marivic Pareja, sang House Legislative Archives and Museum Management Service; Violeta Constantino, anay Land Bank of the Philippines branch manager para sa Shaw Boulevard branch; kag Nenita Camposano, anay Land Bank branch manager para sa DepEd branch.
