Patay ang driver sang motorsiklo samtang pilason ang 12 ka pasahero sang van matapos ang aksidente nga nagluntad sa National road, Purok San Roque, Brgy. Maquiling, Sagay City, Negros Occidental, kaina sang aga, July 17, 2026.
Ang napatay nga driver ang nagaedad sang 49 anyos, lalaki, balo kag residente sang Purok San Roque, Maquiling, Sagay City, Negros Occidental.
Samtang ang mga pilason ang ginalakipan sang 30 anyos, lalaki, kasado, isa ka conductor kag residente sang Purok Proper, Barangay Minapasok, Calatrava; 44 anyos, babayi, balo, kag 67 anyos, babayi lunsay mga residente sang Prk. Katilingban Proper, Brgy. Dian-ay, Escalante City; 61 anyos, babayi, kasado kag residente sang Prk. Daisy, Brgy. Puey, Sagay City; 29 anyos, babayi, kasado kag residente sang Sitio Agtotogas, Brgy. Cambayobo, Calatrava; 17 anyos, babayi kag residente sang Sitio Bigat, Brgy. Minapasok, Calatrava; 18 years anyos, babayi, single; 65 anyos, lalaki, balo; 60 anyos, babayi, kasado, lunsay mga residente sang Brgy. Bug-ang, Toboso; 39 anyos, babayi, kasado kag residente sang Prk. Riverside, Brgy. Marcelo, Calatrava; 88 anyos, residente sang Brgy. Malasibog, Escalante City; kag isa ka 86 anyos ,babayi kag residente sang Brgy. Minautok, Calatrava.
Sa inisyal nga imbestigasyon ang motorsiklo kag van ang nagabiyahe sa pareho nga direksyon.
Ang motorsiklo ang nagabiyahe halin sa Barangay Maquiling Proper padulong Purok San Roque, Barangay Maquiling, Sagay City, samtang ang van nga may karga nga 17 ka pasahero ang nagabiyahe halin sa Barangay Minapasok, Calatrava, Negros Occidental, padulong sa Sagay City Public Terminal.
Pag-abot sa lugar sang insidente maliko kuntani sa wala ang motorsiklo apang ang van ang nag-overtake nga nagresulta sa pagbungguanay ang duha ka salakyan.
Bangud sa mabaskog nga impact ang motorsiklo kag van ang nagtabog sa pihak nga lane kag nagligid sa higad sang highway.
Ang driver sang motorsiklo ang napatay sa ospital samtang 12 ka mga napilasan ang nadapatan naman sang nagakaigo nga pagbulong.
Sa karun naka-detain sa Sagay City Police Station ang driver sang van matapos magsungka.
