Arestado ang Regional Top Most Wanted Person sang Police Regional Office 4A (CALABARZON) sa madinalag-on nga joint intelligence-driven operation nga ginpatigayon sang Police Regional Office – Negros Island Region kag partner law enforcement units sa Brgy Looc, Dumaguete City, Negros Oriental alas-7:25 kagab-i.
Ang operasyon ang ginpangunahan sang Dumaguete City Police Station sang Negros Oriental Police Provincial Office, nga nagkoordinar sa Anti-Carnapping Section, Regional Intelligence Division, National Capital Region Police Office; Bacoor City Police Station; Regional Intelligence Division–Regional Special Operations Unit 4A; kag Presidential Anti-Organized Crime Commission (PAOCC) Task Force.
Natigayon nga maaresto si Alyas Xi, isa ka babayi nga Chinese National, 34 anyos, anay Philippine Offshore Gaming Operator (POGO) employee, paagi sa pagserbe sang Warrant of Arrest para sa kaso nga Robbery sa idalom sang Article 294, Paragraph 5 sang Revised Penal Code.
Suno kay PRO-NIR Director Police Brig Gen. Romano Cardiño, ang madinalag-on nga operasyon ang nagapakita sang gahom sang intelligence sharing kag seamless coordination sa tunga sang mga law enforcement agencies.
Pinaagi sini, wala sang pugante nga makapalagyo sa kamot sang layi.
Pasalig sini nga ang PRO-NIR ang padayun nga magasuporta sa tanan nga efforts sa pagpangita kag pag-aresto sang mga pugante sa layi, agud sila ang mapapanabat sa ila nga mga sala sa nagakaigo nga korte.
