Nag-rule si Presiding Judge Chiz Escudero nga ang manifestation ni Senator-Judge Robin Padilla ang magapabilin sa records.
Dugang pa ni Escudero nga talakayon nila ang isyu sa tion nga magabukas ang senado sa regular session.
Una na nga naghimo si Padilla sang manifestation sa ika-pito nga adlaw sang impeachment trial batok kay Vice President Sara Duterte nga nagapanginwala nga ginbalewala sini ang summon para sa obstruction of justice complaints.
Nagpanindugan si Senator-judge Robin Padilla nga nagpasa ini sang counter-affidavit may kaangtanan sa obstruction of justice complaint nga gin-file batok sa iya.
Suno diri, ginarespeto sini ang Ombudsman.
Sa pihak nga bahin, ginpanginwala ni Assistant Ombudsman Mico Clavano nga naka-submit na sang iya counter-affidavit si Senador Robin Padilla may kaangtanan sa Obstruction of Justice complaint nga gin-file batok sa iya.
Ini ang gin-athag ni Clavano matapos ginpahayag ni Padilla sa impeachment trial ni Vice President Sara Duterte nga nakapasa na ini sang counter-affidavit sa Ombudsman kag ginpakita pa ang mga dokumento.
Apang suno sa Asst. Ombudsman nga wala naga-reflect sa official internal filing system sang ahensya nga nakasumiter na sang counter-affidavit ang Senador.
Dugang pa sini nga ang counter affidavit lamang ni Senate Minority Leader Alan Peter Cayetano ang makita sa ila nga system.
