Sa pihak sang kapaslawan sang Argentina nga makuha ang kampeonato sa 2026 FIFA World Cup, libo-libo ka mga tagasuporta ang nagtilipon sa Obelisk sa Buenos Aires agud ipakita ang ila pagsuporta kag pagpasalamat sa pungsodnon nga koponan.
Matapos ang 1-0 nga pagkapierde sang Argentina sa Spain paagi sa extra time, madasig nga nabaylohan sang pasalamat kag pagdayaw ang kasubo sang mga fans.
Apisar nga naghilibion, nabaylohan man ini sang palakpak, pagkinanta, pagbusina sang mga salakyan, pagpalupok sang fireworks, kag pagsinggitan sang “Gracias iguales” bilang pagkilala sa ginpakita nga hampang sang Albiceleste sa bug-os nga torneo.
Nagpalab-ot man sang mensahe si Argentine President Javier Milei sa social media kun sa diin nagpasalamat ini sa mga humalampang kag ginpahayag nga ang team ang nagbato tubtob sa katapusan.
Dugang pa sini, nagapabilin nga isa sa pinakamaayo nga pungsod ang Argentina sa patag sang football.
