Gintalakay sa nagapadayon nga impeachment trial batok kay Vice President Sara Duterte ang kontrobersyal nga pagpanakit sini samtang nagaserbe bilang alkalde sa anay sheriff sang Regional Trial Court (RTC) Branch 16 nga si Abe Andres.
Sa nangin cross-examination ni defense counsel Atty. Mark Vinluan, ginpamangkot sini si NBI Director Melvin Matibag kun nakahibalo bala ini nga ang nagtulod kay Duterte nga sakiton ang sheriff ang bangud sa pagpamalibad sini nga mahatagan sang duha ka oras nga extension antes ipatuman ang demolition sa nasambit nga lugar.
Ang nasambit extension amo ang ginapangayo ni Duterte bilang konsiderasyon sa mga residente nga sadto biktima sang bagyo.
Ginpahayag naman ni Matibag nga wala siya sang nahibaluan sa bug-os nga detalye sang mga hitabo.
Madumduman nga nangin topiko man ang pag-atubang ni Andres bilang testigo sa impeachment trial apang gilayon sini ginpanginwala kag nag-ayo nga indi ini pagdalahigon sa kagamo sang pulitika.
