US President Donald Trump, nagpamahog sang pagbomba sa mga taytay kag power plants sang Iran sa kada pag-atake sa pungsod sa mga barko sa Strait of Hormuz

Nagpamahog si US President Donald Trump nga pagabombahan sang Estados Unidos ang mga taytay kag power plants sang Iran sa kada pagpang-atake sang Tehran sa mga barko sa Strait of Hormuz.

Suno kay Trump, kalakip sa posible nga target ang mga imprastraktura nga malapit sa capital sang Tehran.

Nagsabat naman ang Iran paagi sa pagpaandam nga magatimalos man ini kun atakehon ang ila mga imprastraktura.

Suno sa isa ka Iranian military source, posible nga ila targeton ang mga taytay, imprastraktura, kag mga energy facilities sa rehiyon nga may kaangtanan sa Estados Unidos.

Padayon ang pagbaylohanay sang pagpang-atake sang duha ka pungsod sa nakaligad nga 12 ka adlaw matapos mapaslawan nga matuman ang kasugtanan nga untaton na ang gyera.