Madinalag-on nga nadispose sang Regional Explosives and Canine Unit – Negros Island Region (RECU NIR) ang vintage bomb nga narecover sa Barangay Matab-ang, Talisay City sang Hulyo 22.
Sa interview sang Bombo Radyo kay Police Captain Alberto Sardua Jr, team leader sang Provincial EOD and Canine Unit, ang bomba ang nakutkutan sang backhoe operator nga si Raffy Aldiano samtang nagakay-o sa pika-pika sang taytay.
Suno kay Sardua, ang bomba ang nag-aso sang na-igo sang backhoe gani ang mga tawo ang nagpalagyo sa lugar kag gilayon nga nagpangayo sang bulig sa Talisay City Police Station.
Matapos ang Render Safe Procedure (RSP), gindala ang bomba sa Talisay City Dumping Site sa Barangay Concepcion bangud malayo ini sa mga pamalay.
Nagdesisyon sila nga magpatigayon sang emergency disposal kag natigayon nga nadispose alas-9:00 kaina sang aga.
Suno diri, wala nila anay ini gindispose kahapon sang hapon bangud naga-inulan kag nagapangilat agud malikawan ang risgo.
Pahayag ni Sardua nga ang narekober nga unexploded ordnance (UXO) ang natumod nga isa ka M47, 100-pound White Phosphorus (WP) corroded kag nagapagwa na sang puti nga aso.
