Ginapanawagan kun sin-o ang himata sang lalaki nga nabungguan sang van sa bahin sang Brgy Mandalagan, Bacolod City kahapon sang kaagahon nga yara sa karun sa Corazon Locsin Montelibano Memorial Regional Hospital kag ini ang subject sa operasyon.
Sa interview sang Bombo Radyo Bacolod kay Police Major Elmer Bonilla, chief sang Bacolod Traffic Enforcement Unit sang Bacolod City Police Station, ginapahayag sang mga witness nga ang biktima ang mahimo may deperensya sa paminsaron.
Ini ang permi man nga nagaliho-liho sa lugar, samtang ang biktima ang half-naked ukon wala sang pang-ibabaw nga panapton sang nabungguan.
May-ara sang tribal nga tattoo sa iya nawala nga butkon ang biktima.
Ini ang nag-agom sang madamo nga samad sa lawas partikular na ang dako nga pilas sa bibig kag sa iya nga agtang.
Panawagan ni Bonilla sa mga may wala pa nakapauli nga himata, nga may kaangay nga tattoo sa butkon, nga kun mahimo kilalahon kun ila nga himata ang pasyente nga ginabulong sa karun sa Regional Hospital.
