May ginpreparar ang Police Regional Office-Negros Island Region nga security forces para sa bug-os nga Negros Island Region kadungan sang State of the Nation Address (SONA) ni President Ferdinand Marcos Jr subong nga adlaw, Hulyo 27.
Sa interview sang Bombo Radyo Bacolod kay Police Lt. Col. Joem Malong, spokesperson sang Police Regional Office-Negros Island Region, may yara sang area sang concentration sang security forces ang ginalakipan sang Bacolod, Kabankalan, Dumaguete kag Siquijor, nga masami nga ginapatigayunan sang rally.
Suno kay Malong, ginamonitor man sang PRO-NIR ang Sagay kag Escalante City sa Northern Negros kun sa diin ini man nga mga lugar ang ginapatigayunan man sang rally.
Suno diri, sa deployment naman magluwas sa Civil Disturbance Management (CDM) nga naka-stand by may yara sang Reserved Regional Standby Support Force nga ginprepare para ma-mobilize ingkaso nga may escalate ang sitwasyon.
Suno pa kay Malong kada Provincial kag City Police Stations ang ginpahimo sang ila nga implementing plan agud nga masiguro nga bisan wala sang na-monitor nga pamahog may yara sang deployed personnel agud nga magsiguro sang seguridad sang tanan kag indi lamang sang mga rallyista.
