Nagakabalaka ang Philippine Chamber of Commerce and Industry (PCCI) sa bag-o nga 12.5 percent nga taripa nga ginpatuman sang Estados Unidos sa pila ka mga produkto sang Pilipinas.
Suno kay PCCI Chairman George Barcelon, mahimo nga magtaas ang presyo sang produkto sang Pilipinas sa U.S market bangud sa dugang nga buwis.
Mahimo ini magresulta sa mas manubo nga benta para sa mga lokal nga exporter nga makaapekto sa pila ka mga negosyo kag trabaho sa pungsod.
Ginpahayag man sang PCCI nga nagalaom ini nga maga-negosyar ang Department of Trade and Industry (DTI) sa gobyerno sang Estados Unidos agud mabuhinan ukon madula ang bag-o nga taripa.
Ang Estados Unidos isa sa pinakadako nga merkado para sa mga export sang Pilipinas, kalakip ang mga electronics, mga produkto sa agrikultura, kag iban pa nga manufactured goods.
