Driver sang motorsiklo, patay matapos aksidente nga makabunggo sa railings sang dalan sa ciudad sang Talisay

Patay ang driver sang motorsiklo matapos makabunggo sa railings sa Barangay Road, Brgy Dos Hermanas, Talisay City ala-1:10 kaina sang kaagahon.

Sa inisyal nga imbestigasyon sang Talisay City Police Station, ang driver ang nagabyahe padulong sa Talisay City proper.

Apang pagdangat sa Barangay Road, gina-alegar nga nadulaan sang kontrol ang driver kag aksidente nga nakabunggo sa steel railings sang dalan.

Bangod sa aksidente, nag-agom sang madamo nga samad ang driver kag ini ang wala na sang kabuhi sang maabtan sang rescue personnel.

Ini ang gindeklarar nga dead on arrival pagdangat sa Talisay City Heath Office alas-2:30 kaina sang kaagahon.