Ginpahayag sang Commission on Elections (COMELEC) Negros Occidental nga padayon kag wala untat ang ila preparasyon para sa Barangay kag Sangguniang Kabataan Elections (BSKE) nga pagahiwaton sa Nobyembre 2, 2026.
Suno kay Atty Ian Lee Ananoria, Provincial Election Officer sang COMELEC Negros Occidental, natapos na nila ang pag-verify sang voters’ list kag sa subong nagalibot ang mga election officer agud magpatigayon sang ocular inspection sa mga polling centers nga pagagamiton sa eleksyon.
Dugang pa, nag-inventory man sila sang mga yellow ballots box bangud manual ang sistema sang pagboto para sa Barangay kag Sangguniang Kabataan Elections.
Suno diri, ang mga ballots ang naprint na sang nakaligad pa kag ginadungagan nalang kun inkaso magsaka ang numero sang voters.
