Pila ka dalanon sa Bacolod City, ginbaha kahapon bangod sa madamol nga ulan

Magutok ang dalagan sang trapiko sa dalan Lacson kag Araneta bangud sa pagbaha kasunod sa pagbubo sang madamol nga pag-ulan, kahapon sang hapon.

Nagsaka ang tubig sa tupad sang fastfood chain sa Lacson tungod sa barado nga drainage.

Nagbaha man sa unhan sang Burgos-Lacson Streets.

Wala naman sang may na-record nga pagbaha ukon paglapaw sang tubig sa mga flood-prone areas sa ciudad, suno sa River Flood monitoring team sang Bacolod City Government.

Pasado alas-10:00 kagab-i, naghupa na ang mga na-record nga may pagsaka sang tubig tuga sang madamol nga pag-ulan kag surface run-off sa pila ka mga lugar.

Samtang nagpabilin naman sa below normal tubtob normal ang water level sa pila ka mga suba kag sapa sa ciudad.