Ginpahayag sang political analyst nga balik-awot ang pamaagi sang pagpresentar sang ebidensya kag testigo sa impeachment trial ni Vice President Sara Duterte.
Nahibaluan nga magapadayon subong nga adlaw ang ika-10 nga impeachment trial batok kay VP Sara.
Talakayon diri ang ang Article I sang impeachment complaint nga may kaangtanan sa ginapatihan nga misuse sang P612.5 millon nga confidential funds.
Sa interview sang Bombo Radyo kay Atty Jomax Ortiz, ginpahayag sini nga may duha ka opisyal sang Land Bank of the Philippines ang ipresentar sang prosecution panel nga magatestigo may kaangtanan sa withdrawals.
Suno diri, dapat ang depensa naman kuntani ang magpresentar sang ila testigo agud klaro nga natapos na gid ang Artcile 4 antes magpadayon sa Artcile 1.
Apang suno kay Ortiz, wala na nag-insister ang depensa sa procedure sa pagpresentar sang mga testigo bangud ini na ang nakasugtan sa pre-trial conference palang.
Suno diri, magamo ang nangin trial proceedings bangud kun ihalimbawa nga yara sa Korte kaangay nga wala pa natapos ang kaso sa isa nagkadto naman sa isa.
