Lalaki nga operator sang fastcraft vessel, pilason matapos maglumpat gikan sa Flyover; Family problem ginalantaw nga rason

Pilason ang isa ka lalaki matapos maglumpat sa Flyover sa Barangay Singcang-Airport, Bacolod City alas-6:55 kaina sang aga.

Ang biktima ang naga-edad 45-anyos, nagatrabaho bilang operator sang 2Go, kasado kag residente sang Purok Boulevard, Brgy. 14, Bacolod City.

Sa interview sang Bombo Radyo kay Police Major Rondyl Tapang, hepe sang Bacolod Police Station 8, ginpahayag sini nga nagpanaog ang biktima sa iya motor kag hinali nga naglumpat sa flyover.

Suno kay Tapang, ang biktima ang gilayon nga gindala sa ospital para sa nagakaigo nga pagbulong.

Suno diri, ginantaw problema sa pamilya ang rason sa nasambit nga insidente.

Sa subong, estable na kahimtangan sang biktima.