Nagpamangkot si Manila Electric Company (MERALCO) Chairman kag CEO Manuel V. Pangilinan kun sin-o ang manabat sa bilyun-bilyon ka piso nga gastos kun kakason ang system loss charge sa electric bills sang mga consumer.
Ang pahayag ang kasunod sang panawagan ni President Ferdinand Marcos Jr. sa Kongreso nga amyendahan ang Electric Power Industry Reform Act (EPIRA) agud kakason ang system loss charge kag value-added tax (VAT) sa mga balayran sang mga consumer.
Suno kay Pangilinan, ang system loss ang kabahin sang operasyon sang bug-os nga power industry kag makaapekto sa generation, transmission, kag distribution sang kuryente.
Suno diri, tuman kadako sang galastuhon para akuon sang industriya lamang.
Samtang, ginpahayag naman sang Meralco nga handa ini nga magpakig-angot sa mga italakay sa pag-amyenda sa EPIRA agud masiguro nga maproteksyunan ang mga consumer samtang mapabilin nga masaligan ang serbisyo sang kuryente.
