Nagdangat na sa P19.065 trillion ang kabug-usan nga utang sang gobyerno sang Pilipinas sa pagtakop sang Hunyo, santo sa Bureau of the Treasury (BTr).
Mas mataas ini sang P518.98 billion kumpara sa P18.546 trillion sang katapusan sang Mayo, kag mas mataas sangsa P17.267 trillion nga na-record sang Hunyo sang nakaligad nga tuig.
Santo sa BTr, ang 2.8 percent nga pagsaka sang utang ang tuga sang domestic kag foreign borrowing agud pondohan ang pila ka mga programa sang gobyerno.
Nakabulig naman ang mas mabaskog nga piso agud mabuhinan ang pagsaka sang kabug-usan nga utang.
Naglab-ot sa P12.837 trillion ang domestic debt ukon utang sa sulod sang pungsod.
Mas mataas ini sang 2.74 percent kumpara sang Mayo.
Ini tanan ang naggikan sa government securities.
Samtang, naglab-ot na sa P6.227 trillion ang external debt, mas mataas sang P176.66 billion humalin sa P6.051 trillion sang katapusan sang Mayo.
