Ginakabig ang ciudad sang Bacolod bilang isa sa mga hotspot sang Online Sexual Abuse or Exploitation of Children (OSAEC) kag human trafficking.
Madumduman nga narescue sang Department of Social Services and Development sa Bacolod City marescue ang 10 ka mga menor de edad nga gingamit sa online sexual abuse and exploitation kahapon.
Ini ang ginalakipan sang 9 ka babayi kag isa ka lalaki nga naga-istar sa nagkalain-lain nga brgy sa ciudad.
Ang pinakabata ang nagaedad 12 samtang 17 naman ang pinakamagulang.
Suno kay DSSD Head Dr Richelle Verdeprado Mangga, nagakinahanglan sang long term rehabilatation ang mga menor de edad bangud posible nga malawig ang abuse nga ila naeksperyensyahan.
Sa subong, ang mga ini ang yara sa care facility.
Ginapangita pa sang mga otoridad ang isa ka ginatudlo facilitator sang sexual abuse.
Santo sa imbestigasyon sang mga kapulisan, ginapwersa ang mga kabataan nga magrecord gamit ang cellphone sang sexual acts kag ini ang ginabaligya online sa mga international customers.
Ginalantaw man nga involved ang pila ka mga ginikanan sa nasambit nga buluhaton.
Gina-alegar may ginarentahan sila nga isa ka balay kag didto ginatipon ang mga menor de edad.
Ginkumpirmar man sini nga sang tinalikdan may na rescue nga mga menor de edad sa pareho nga kaso kun sa diin ang mga suspect ang japanese nationals.
Suno kay Mangga, indi pa gilayon mabalik ang mga biktima sa ila ginikanan bangud kinahanglan pa sang parental capability assessment agud mahibaluan kun safe naba ang mga ini nga ibalik.
Suno diri, mas ginpabaskog nila ang pagpalagnag sang impormasyon sa publiko batok sa online sexual abuse.
Pahayag ni Mangga nga sa subong limitado lamang ang mahatag nila nga impormasyon samtang nagapadayon pa ang imbestigasyon.
