Padayon pa ang imbestigasyon sang Bacolod Police Station 9 sa ginkawat nga mga grills sa Esplanade sa Barangay Sum-ag, Bacolod City.
Sa interview sang Bombo Radyo Bacolod kay Police Capt. Greeky Cayao, station commander sang Bacolod City Police Station 9, padayon pa ang ila nga imbestigasyon sa nabaton nga reklamo nga ang mga grills sa esplanade ang ginpangkawat.
Suno kay Cayao, nagapatigayon sila sang backtracking apang aminado ini nga wala sang na-install nga CCTV cameras sa lugar.
Ginpahayag man sang station commander nga may balay sa unhan nga ginpatigayunan man sang imbestigasyon.
Dugang pa sini nga sa pagtsekyar nila nga madugay na ang insidente sang pagpangawat.
Sa karun padayon pa ang ila nga paghibalo sa posible nga may kahimuan sa pagpangawat sang grills kag ginalantaw man nga pila sa solar lights nga ginbutang sa lugar ang nagkaladula man.
Suno kay Cayao, sang Mayo pa ang ulihi nga reported nga pagpangawat sa Esplanade.
