Patay ang isa ka mangunguma matapos gina-alegar ginsungay sang karabaw sa Purok 7, Barangay Quiwi, banwa sang Hinigaran, Negros Occidental sang Hwebes, Hulyo 30.
Ginkilala ang biktima kay Ronald, 38-anyos, kag residente sa nasambit nga lugar.
Sa imbestigasyon sang Hinigaran Municipal Police Station, nagapanag-ob tubig ang live-in partner sang biktima sang ini ang nakabati sang singgitan gikan sa talamnan nga nagapangayo sang bulig.
Ginpadulungan sang live-in partner sa talamnan, naabtan sini ang biktima nga nagapaligo na sang kaugalingon nga dugo samtang padayon nga ginasungay sang karbaw.
Sa bulig sang mga residente, natigayon nga mapalayo ang karbaw sa biktima.
Nakaagom sang pilas sa nagkalain-lain nga bahin sang lawas si Ronald.
Gindala pa ini sa Hinigaran Medical Clinic apang gindeklarar nga dead on arrival.
