Patay ang 43-anyos nga Indian national matapos gintiro samtang nagamaneho sang iya motorsiklo sa Purok Bayanihan, Barangay Villamonte, Bacolod City, kagab-i, Agosto 4.
Sa interview sang Bombo Radyo Bacolod kay Police Major Marc Joel Reclamado, Station Commander sang Bacolod Police Station 4, may igo sa ulo ang biktima kag ginbawian sang kabuhi sa lugar sang insidente.
Suno sa mga pumuluyo sa lugar, nakabati sila sang lima ka lupok, kag base sa mga nakasaksi, riding-in-tandem ang mga suspetsado.
Ginkumpirmar naman sang pamilya ang identity sang biktima kag ginpahayag nga ini ang lima pa lamang ka bulan nga nagapuyo sa ciudad sang Bacolod.
Ginakumpirmar man kun ang biktima ang angot sa lending nga negosyo.
Sa karon, nagapadayon ang imbestigasyon sang mga otoridad agud matumod ang mga responsable sa krimen.
