Ginbasura sang Supreme Court En Banc ang consolidated petition ni Vice President Sara Duterte kag pila ka mga abogado nga ipauntat ang House impeachment proceedings batok sa iya.
Suno sa Korte Suprema, wala na sang pulos ukon “moot” ang mga petisyon bangud tapos na ang papel sang Kamara sa proseso sang impeachment kag yara na sa ika-13 nga adlaw sang impeachment trial.
Ginpaathag sang SC nga apisar may gahum sila nga magdesisyon sa pila ka mga espesyal nga kaso nga na-nullify, indi kalakip ang kaangay nga kaso ni Duterte gani wala na sila naghatag pa sang desisyon natuhoy diri.
Madumduman nga sang Marso 2026, nag-petisyon ang bise presidente kasubong man sang pila ka mga abogado nga magpagwa sang Temporary Restraining Order (TRO) agud punggan ang Kamara kag House Justice Committee sa pagpatigayon sang impeachment proceedings.
Apang, napadala na sang Kamara sa Senado ang Articles of Impeachment sang Mayo.
Bangud sini, wala na sang mahimo pa ang korte nga magpamalabag diri.
Ginklaro sang Korte Suprema nga ang impeachment ang yara na sa hurisdiksyon sang Senado bilang impeachment court.
Sa kabug-usan, apat ka petisyon ang gin-file sa Korte Suprema angot sa impeachment proceedings.
